من افسد شى علية باصلاحة

+ من افسد شى علية باصلاحة بنلاحظ ان اطفالنا المخدومين او اطفالنا اللى معانا فى البيت بدون اى وعى او احترام للشى تلاقى يوقوعوا الاشياء دون اعادة ترتيبها مرة اخرى , او يكسروا الاشياء بدون كلمة اعتذار واحدة , طيب وان اعتذروا تفضل كلمة اسف طيلة اليوم ولكن بدون افعال او اعمال لتصليح الاشياء طيب تعالوا نشوف ازاى ميلاد هيتعلم ان الشى اللى افسدة هيصلحة :
+ + + + + + + + + + + + + + +

يوم من الايام ميلاد رجع من مدرستة ولقى الشقة متوضبة كل شى فى مكانة, راح دخل ميلاد غير هدومة من غير مايعلقها ,

وحط الاكل من غير مايشيلة , ولعب بالالعاب من غير مايلمها , بكدة رجعت الشقة من تانى كل شى مابقاش فى مكانة

المظبوط , , الشنطة , الهدوم , الالعاب , حتى الاكل كل الناس العاديين بياكلوا جوة الطبق , ميلاد الوحيد اللى اكل على

مفرش بتاع ماما الغالى اللى كان ليها بالنسبالها ذكرى جميلة , ماما شافت كل شى بعد ماكان متوضب رجع تانى مش فى

مكانة , فقررت انها تعلمة ازاى اللى افسد شى علية باصلاحة , راحت ماما جابتلة ملاية ولبستها لميلاد ومسكتة فى ايدة

عصاية وقالتلة ان دى عصاية السحرية وانت ساحر, وعلشان يشغلها لازم يقول اسف 10 مرات وهنجربها على الحاجات

اللى انت وقعتها وبهدلتها فى الشقة وفى حاجاتك , فرح اوى ميلاد ومسك العصاية وراح لهدومة قاالها انا اسف (10) مرات

, مالقاش الهدوم اتعلقت على الشماعة , راح للالعاب قالها اسف ( 10 مرات ) الالعاب فضلت على الارض زى ماهى ,

راح للمفرش قالة اسف ( 10 مرات ) المفرش زى ماهو متبقع علية الاكل , زعل اوى ميلاد من عصايتة السحرية اللى

مانفذتش لية ولا طلب وسال مامتة لية كدة . ماما ردتت علية وقالتلة لان بالكلام بس ماينفعش لازم فعل لازم وانت بتقول

اسف تمسك الشى اللى وقعتة وتعدلة , تمسك هدومك وتعلقها و تمسك المفرش وتغسلة وبكدة انت صلحت اللى انت افسدة .

هنا فهم ميلاد ان الاعتذار بس مش كفاية لا لازم كمان فعل , وعرف ان من افسد شى علية باصلاحة .