ترنيمة أفرح وأنشد بالعود

ترنيمة أفرح وأنشد بالعود

1- أفرح وأنشد بالعود وأتذكر لحن داود
نغمات ترجع وتعود مع لمسة روحك لينا
2- أفرح والقلب سعيد ده سلام من عنده أكيد
أيام كلها تمجيد ليسوعنا الغالي علينا
3- خلصني وفك قيودي أهتف وأنشد على عود
يا خطيه ما عودتي تسودي نعمة يسوع تحمينا
4-بالدف أنا والمزمار وبرباب بعشر أوتار
هنرنم عل القيثار ونقول مجدا يا فادينا
5-هتلذذ وأفرح بيه وحمولي سايبها عليه
ده كفايه نرنم ليه في رضاه البركة علينا
6- وبصوتي وحتى سكاتي تسبيحك يملا حياتي
أوقاتي وكل سعاتي مشتاق لك أمتى تجينا